ચાલો અંગ્રેજીને સરળ બનાવીએ!

J  સામાન્ય રીતે આપણે સૌ અંગ્રેજીમાં નામ લેખન શીખવા અને શીખવવા માટે ક નો k અને ખ નો kh એમ ગોખાવી દીધા પછી બારાખડી...પણ આ વૈજ્ઞાનિક રીત તો નથી જ ને?!

J  એક રસ્તો મળ્યો છે-ખબર નહિ પરફેક્ટ છે કે નહિ પણ પ્રયત્ન તો કરીએ!

૧. તમારા વર્ગના એક-એક વિદ્યાર્થીને તેમનું નામ પૂછો.તેઓ નામ બોલે  ત્યારે તે જ વખતે તેને અંગ્રેજીમાં બોર્ડ પર લખો

J  [બધાના નામ લખાઈ જશે એટલે બોર્ડ કૈક આવું દેખાશે]

૨. હવે દરેકને પોતાનું નામ બતાવવાનું કહો- નેચરલી તે બધા જ બતાવી દેશે. પણ તેમનો આધાર શિક્ષકે તેમનું નામ ક્યાં લખ્યું છે? તે હશે અંગ્રેજી સાથે તે વખતે લેવા દેવા નથી.

૩.તેમને પૂછો તેમને તેમનું નામ કેવી રીતે શોધ્યું? (ખાસ પૂછવું.)

૪.તેમને તેમના ખાસ મિત્રનું નામ બતાવવા કહો.-૯૯% સફળ.. ફરી એ પ્રશ્ન નામ કેવી રીતે શોધ્યું?

J  આ પ્રક્રિયા આ રીતે પણ-

ü  ૧.તમારી બાજુમાં બેસતા વિદ્યાર્થીનું નામ બતાવો.

ü  ૨.તમારી પાછળ/આગળ બેસતા વિદ્યાર્થીના નામ.

ü  ૩. તમારા નામના પહેલા અક્ષરથી શરૂ થતું હોય તેવું તમારા નામ સિવાયના નામ.

ü  ૪. તમારા નામનો પહેલો અક્ષર બીજા કોઈના નામમાં વચ્ચે આવતો હોય તેવા નામ.

J  ત્યારબાદ તે નામોના વાદળમાં તેમના ભાઈ/બહેન/પિતા/માતા ના નામ ઉમેરી ઉપરની પ્રક્રિયા દોહરાવો.

J  હવે તેમને બે નામોમાંથી જુદા જુદા અક્ષર લઇ એક નામ બનાવી લખી બતાવો.

 જેમ કે-  Avinash માંથી Vi અને Sanjay માંથી jay લઈએ તો બને  Vijay !

J  તેમને પ્રયત્ન કરવા દો કે તેઓ તેમની જાતે આવા બીજા નામ લખી શકે.

J  આ રીતે એમને એક સ્વાભાવિક રીતે શબ્દોને ચિત્ર તરીકે ઓળખવા દેવાનો મોકો આપો.

J  વધુ ચોક્કસ બનાવવા તેમને તે દરેકના કોઈક ચોક્કસ ઉચ્ચારો છે તે સમજવા દો.

J  આ બે વાત સમજાઈ જશે તો તેઓને નામ લખવા વાંચવા અઘરા કે ભારરૂપ નહિ લાગે !

J  શું આ રીતે તેમને સ્વાભાવિક અને અર્થપૂર્ણ રીતે શીખવા દેવું તે જ ભાર વિનાનું ભણતર નથી?