January 26, 2016

दीकरी की सलाम, देश के नाम – “Re-Public Day” celebration


दीकरी की सलाम, देश के नाम – “Re-Public Day” celebration 

થીમ અમારું ગામ – ગામના કુ-રીવાજો !
દિર્ગદર્શક – 
અભિનેતા-સંવાદ લેખન – 
મેક અપ આર્ટીસ્ટ – 
ટીમ નવાનદીસર........ ! 
  બાળકોએ જાતે વિચારીને જોડી કાઢેલા અને શિક્ષકો વડે એડિટ થયેલા નાટકોની રમઝટ ! પ્રેકટીસ માટે મળેલા ઓછા સમયને ઓળંગીને મનોરંજન સાથે ગામલોકોનું મન-ઉંજણ પણ કરી ગયા !

પર્વ – જે દેશ રચે છે !




ઉજવણીના કાર્યક્રમોના વિડીયો જોવા માટે તેના પર ક્લિક કરો !!!









January 25, 2016

National Voter Day !!!


National Voter Day !!!   
“મતદાર ક્વિઝ” માં વિજેતા ટીમનો ગૌરવાનંદ !!!



મતદાન કરવાની પ્રક્રિયા વિશે વારંવાર મનોમંથન થતું રહે છે.  મતદાતા બનવાની પ્રક્રિયા વિષે વિગતમાં ચર્ચા થાય અને તેની જાણકારી બાળકો મેળવી શકે તે માટે રાષ્ટ્રીય મતદાતા દિવસની ઉજવણી શાળાઓમાં અગત્યની છે. ઉચ્ચ પ્રાથમિક શાળામાં બાળકોની સમજ શક્તિ મુજબ રાજનીતિ શાસ્ત્ર અંતર્ગત બાળકોને સંવિધાન- લોકશાહી- વગેરેની સમજ આપતાં એકમોનો સમાવેશ થયો જ છે. પરંતુ અમે અગાઉ પણ કહ્યું છે કે આવા એકમો હવા જેવા હોય છે, જેને આપણે અનુભવી શકીએ ખરા પરંતુ તેનો આકાર બાળકો સામે ઉભો કરી તેની બાળકોને ઓળખ કરાવવામાં પરસેવો છૂટી જાય !!! બની શકે છે કે અત્યારે ઉચ્ચ પ્રાથમિકમાં અભ્યાસ કરતાં બાળકો જયારે મતદાર બનવાની ઉમરે પહોંચશે ત્યાં સુધીમાં મતદાર બનવાની પ્રક્રિયા અથવા મતદાન કરવાની પ્રક્રિયામાં ઘણો જ ફેરફાર થઇ ચુક્યો હશે! તે સમયે કદાચ મતદાર બનવા માટે – રદ કરવા માટે - સાત નંબરનું - આઠ નંબરનું ફોર્મ વગેરે પ્રક્રિયા બદલાઈ ગઈ હોય! જેમ બેલેટનું સ્થાન EVM એ લઇ લીધું તેમ EVM નું સ્થાન કોઈ એવા મશીને લઇ લીધું હશે કે તેની સામે જઈ ફક્ત વિચારવાનું જ રહે કે કોને મત આપવો છે !! બની શકે છે કે મતદાન મથક પણ ઈતિહાસ બની જાય અને એવી કોઈ સિસ્ટમ ઉભી થાય કે દરેક વ્યક્તિનો મોબાઇલ જ પોતાનું વોટિંગ Instrument  બની જાય ! માટે જ આજે મતદાર દિવસની ઉજવણી સમયે બાળકોને આ બધા મુદ્દાઓ વિષેના ફક્ત પ્રાથમિક ખ્યાલ આપવાનું વધારે હિતાવહ લાગ્યું. અમારું વધારે ધ્યાન એ બાબતમાં હતું કે સંવિધાનને કેન્દ્ર સ્થાને રાખી આખો દેશ કેવી રીતે ચાલે છે ? ગામથી ગવર્મેન્ટ – કેવી રીતે જોડાયેલી છે ? – એક મતની હારથી કે એક મતની જીતથી કેવા ઈતિહાસ રચાયેલા છે ! વગેરે વગેરે....  બાળકો ફક્ત શારીરિક રીતે 18 વર્ષના થઇ મતદાર ન બની જતાં એક પરિપકવ મતદાતાના લક્ષણો પણ સાથે સાથે તેનામાં વિકસતાં જાય, જેથી તેનામાં લોકશાહીનો રૂઆબ અને સંવિધાન પ્રત્યેનો આત્મવિશ્વાસ હોય ! મતદાર તરીકેનું વૈચારિક મનોમંથન હોય . “તમે જેને મત આપ્યો, તેને શા માટે આપ્યો?? આવા કોઈના પ્રશ્નનો તેની પાસે વૈચારિક જવાબ હોય !!!   

January 16, 2016

પતંગોત્સવ-2016


પતંગોત્સવ-2016

વિવિધ સ્વભાવના પતંગો આપણને શું શીખવે છે? – પતંગના બહાને આખો દિવસ સૂર્ય-સ્નાન- શા માટે ? પવનની ગતિ – દિશા વગેરેની બાળકો સાથે થયેલ ચર્ચાને અહીં ટૂંક સમયમાં .....

ત્યાં સુધી ગતવર્ષોની  અમારી ઉજવણી નિહાળો નીચેની લીંક પરથી... 

January 12, 2016

नरेन्द्र से स्वामीविवेकानंद तक !!! – ચર્ચાસભા


नरेन्द्र से स्वामीविवेकानंद तक !!! ચર્ચાસભા


                           ૧૨ જાન્યુઆરી – “સ્વામી વિવેકાનંદજીની જન્મ જયંતિ” – જેને આપણે “યુવા દિવસ” તરીકે પણ ઓળખીએ છીએ. આ વર્ષે ઉભા થયેલ આકસ્મિક  કેટલાંક સંજોગોને કારણે શાળામાં યુવા દિવસની ઉજવણી માટેનું કોઈ નક્કર આયોજન તો ન કરી શક્યા પણ યુવા હોઈએ અને યુવા દિનની ઉજવણી વિના જ સામાન્ય દિવસની જેમ જ શાળા છૂટી જાય તે તો આપણે સૌ યુવા શિક્ષકો માટે  શરમની વાત ગણાય !! બાળકોને આ દિન-વિશેષમાંથી પ્રેરણાદાયી મુદ્દો મળી રહે તેવું ‘જીવન વિશેષ’ વાર્તા-ચર્ચાસભાનું આયોજન કર્યું. આ વખતે પણ શાળા પરિવારનો હેતુ બાળકોને જીવન કૌશલ્યોનો પાઠ શીખવવાનો અને આયોજન એવું કે બાળકોને મન વાર્તાસભા રૂપી સ્વામીજીના બાળ સાહસોની વિવિધ વાર્તાઓ મજા અનુભવે !!!
                               વાર્તાની શોધખોળ કરી તો ધોરણ પાંચમાંથી સુચન મળ્યું કે તેમના પ્રજ્ઞા સાહિત્યમાં સ્વામીજી વિશેની સરસ માહિતી છે. તેનું વાંચન થશે. આ સિવાય વિવેકાનંદના એકાગ્રતા અને નીડરતાના ગુણો વિશેની ચર્ચા નક્કી થઇ. એકાગ્રતા માટે તેઓ જે કાર્ય કરતા હોય તે જ કાર્યનો વિચાર કરવો. – અને એમ કરવું શક્ય ના બને તો કોઈ એક કાર્ય કરતી વખત આપણને બીજા કયા વિચાર આવે છે તેની પર સભાનપણે નજર રાખવી. જેવી બાબતો ચર્ચાઈ.
                   ખરી મજા નીડરતાની ચર્ચામાં આવી. દરેકને કોઈક ને કોઈક બાબતનો ડર હોય છે. કેટલાક તેમનો ડર જાહેરમાં કહેતા પણ ડરતા હતા. સમજાવ્યું કે, “જેમ ઘરમાંથી કચરો કાઢી નાખવા માટે પહેલા કચરો છે એ સ્વીકારવું પડે !” એટલે નીડરતા હોવી એટલે ડરની ગેરહાજરી નહિ પણ ડર હોવા છતાં પોતાના કાર્યમાં અડગ રહેવું એમ પણ વિચારો. સેવન અપ્સની એડ પણ યાદ કરાઈ કે “ ડર સબકો લગતા હૈ, ગાળા સબકા સુખાતા હૈ ! ડર સે મત ડરો, ડર સે આગે બઢો ક્યોકી ડર કે આગે જીત હૈ !” આના આધાર માટે નરેન્દ્રએ ઝાડ પરનું ભૂત બધાના મગજમાંથી કેવી રીતે ભાગડ્યું હતું એ વાર્તા કહી.

       આમ, આખી ઉજવણીમાં નરેન્દ્રની વિવેકાનંદ બનવાની પ્રક્રિયમાં કયા કયા ગુણોએ ભાગ ભજવ્યો અને જો આપણે ઈચ્છીએ તો એ ગુણો કેળવી શકીએ તે કન્ક્લ્યુંઝન સાથે હેપ્પી બર્થ ડે નરેન્દ્ર ગાઈ છુટા પડ્યા !
ગત વર્ષોની ઉજવણીઓ માટે ક્લિક કરો >>> નરેન્દ્ર

January 08, 2016

ગુણોત્સવ -૬


બાળકોમાં વિકસેલ ગુણનો ઊત્સવ – ગુણોત્સવ !!!
ગુણોત્સવના દિવસે જ ખબર પડે કે આ વખત સ્વ-મુલ્યાંકન કરવાનું છે.
પ્રાર્થના સંમેલન પછી મળેલી બે-ત્રણ મીનીટસમાં જ નક્કી કરાયું કે આપણે એસ.એમ.સી.ના સભ્યોની હાજરીમાં આપેલી ફ્રેમની ચિઠ્ઠી ઉપાડથી ફ્રેમ પસંદ કરીશું. દરેકને પોત પોતાની જવાબદારી બોર્ડ વર્કથી એસાઈન થયેલી જ હતી. આખરે વિદ્યાર્થીઓ જે ઉત્સવની છેલ્લા દસ દિવસથી ઝીણી ઝીણી બાબતોનું ધ્યાન રાખી તૈયારી કરતા હતા તેમના ઉત્સાહને નિરાશામાં ન જ ફેરવવા દેવાય. અને જાણે આખી ટીમ નવાનદીસર પોતે જ બાહ્ય મુલ્યાંકનકારની જેમ વિદ્યાર્થીઓની કસોટીમાં લાગી ગઈ. ગુણોત્સવની પૂર્વ તૈયારીરૂપે – ફ્રી ઝોન મીટીંગ (અમસ્તા વાતો વાતોમાં થતી ચર્ચામાં એ દિવસે આવનાર મહેમાનની હાજરીમાં નવીન બનેલ કિચનનું ઉદઘાટન થાય તેવું નક્કી થયું હતું. હવે, પ્રશ્ન હતો કે એ ઉદઘાટન કરનાર હાથ કોના હોય ? એક ઉકેલ તો એસ.એમ.સી. પૈકીના કોઈ સભ્ય કરે તે હતો જ.. પણ અચાનક થયું કે જેમના માટે આ કિચન બન્યું છે – એમના પૈકી જ કોઈક ઉદઘાટન કરે તો !
નાગરિક ઘડતર પ્રવૃત્તિ હેઠળ ટીમ લીડર દિવ્યા મહેરાના નામ પર નજર ઠરી. 
                     ગુણોત્સવ ના દિવસે બાહ્ય મૂલ્યાંકનકાર તરીકે ગાંધીનગરથી કોઈક આવશે તેવું બાળકોને કહ્યું તો કેટલાકે અમને સીધું ચોપડાવ્યું, “ કોઈ નહિ આવે...તમે ખાલી કહો છો !” આ ખાલી કહો છો ની ખાલી જગ્યા ભરવા જી.સી.ઈ.આર.ટી.ની મોનીટરીંગ ટીમમાં ડો.સંજયભાઈ ત્રિવેદી અને ડો. નીતિનભાઈ દલવાડી આવ્યા. તેમને માત્ર ચકાસણી જ નહિ પણ બાળકો સાથે અન્ય પ્રવૃતિઓની પણ ચર્ચા કરી. દિવસના અંતે “આજે કેવું રહ્યું?” નો જવાબ ઘણો લાંબો અપાતો હતો. એમાં કોણે કયા વિકલ્પમાં ગરબડ કરી હતી થી માંડી કોણે બીજા પ્રશ્નનો જવાબ ત્રીજામાં અને ત્રીજાનો ચોથામાં ટીક કર્યો...કોના ચકરડા પરિઘની બહાર ગયા – કેટલા પ્રશ્નમાં એવું થયું.. જેવી વાતો એ અમને દર્પણ દેખાડી દીધું..
હવે, બીજું દર્પણ બતાવશે તેનું પરિણામ ! ત્યાં સુધી આ પળોને માણીએ...
ગુણોત્સવ દરમ્યાન સરપ્રાઈઝ વિઝીટ કરતી રાજ્યની ટીમ [ GCERT, ગાંધીનગર]
Nitinbhai Dalvadi sir
Sanjaybhai Treevedi Sir





શાળામાં બનેલ નવીન મધ્યાહન ભોજન રસોડાનું ઉદઘાટન કરતી ધોરણ-૮ માં ભણતી અમારી દિકરી  દિવ્યા મહેરા