સ્પર્શ!

કેમેરો તો અમારા નવા આવનાર વિદ્યાર્થીઓને કંડારવા લઈને નીકળ્યા હતા..

પણ કેટલાક ફોટોગ્રાફ્સ આમ જ ઝડપ્યા..પછી એવો પણ વિચાર આવ્યો કે...

આ બધા પાસે ના ભણવા આવવાના કેટલા બધા કારણો છે?

અને નીશાળ આવવાનું કારણ?

આપને સૌ કહીએ છીએ તે...!

ફક્ત!

જયારે વર્તમાનમાં પરેશાનીઓ હોય ત્યારે ભવિષ્ય કઈ જોવા ના બેસાય!

આપ સૌ યાદ કરો તમારું બચપણ ----

જયારે નાની એવી વાત માં જો ભણવા ના બેસવું પડે તો કેવી મજા આવતી...

વીજળી તો રાત્રે જતી જ રહે તો સારું..

એવું થતું!!!!

મારા આ બાળકો પાસે તો આવા એક નહિ અનેકો કારણો છે...

કોઈ કહેશે કે શાળામાં આવીને એક સમયનું જમવાનું તો મળે..

પણ એક વિચાર એવો પણ આવે કે ..શાળાએ ના આવે તો બે સમયનું ખાવાનું કમાઈ લાવે...

ખેર આ તો થોડી નિરાશા આવી ગઈ હતી..પણ તે ખંખેરીને આગળ વધી જ ચુક્યા છીએ પણ તોય થયું કે ...

બ્લોગના વાચકો પ્રત્યે પ્રમાણિકતા તો રાખવી જ જોઈએ કે અમે સારું સારું જ નથી કરતા...અમે કઈ બધો સમય બળવાન નથી રહી શકતા..કેટલાક દ્રશ્યો આવા મળે તો નિરાશ અમે પણ થઇએ છીએ!

જો જો જોઈને દુઃખી ના થતા!

કારણ?

તમને અહી કોઈના માં પર દુખ દેખાય છે...?

અંધ કાળુભાઈ પણ પોતાની દીકરીની મારી સાથેના ચાલાકી ભર્યા જવાબ થી મલકી રહ્યા છે..

બસ આવો મલકાટ સૌને મળે તોય ઘણું...

આવો આ સૌના બહેતર ભવિષ્યની પ્રાથના તો કરીએ!