શાળા – જાણે કે "બાળક" બનવાનું તીર્થધામ !

શાળા – જાણે કે "બાળક" બનવાનું તીર્થધામ !

  

“આનંદ” એ બાળકોને મોટી મૂડી છે. બાળકો માટે આનંદ માણવો એ જ સર્વસ્વ છે. જેમાં આનંદ આવે તે સ્વેચ્છાએ કરવું અને જેમાં આનંદ ન આવતો હોય તે સૂચના છતાં પણ ન કરવું એ તેમનો સ્વભાવ હોય છે.  બાળકના આ જ સ્વભાવને ધ્યાનમાં રાખી આપણે પણ તેને આનંદ આવે તેવી જ પ્રવૃત્તિની સૂચનાઓ સાથે આપણા શિક્ષણને સંલગ્ન કરવું એ જ એક ચતુર શિક્ષકની નિશાની છે. વર્ગખંડોમાં એક પણ મિનિટ જો બાળકને કંટાળો આવે એવું થાય, તો પછીનો શાળા સમય જાણે કે બાળક તરફથી અઘોષિત ગેરહાજરી જ ! આપણી પ્રવૃત્તિ અથવા પદ્ધતિઓને બાળકના આનંદ સાથે મિશ્રિત કરી કેવી રીતે પીરસવી તે આપણે શીખી લેવું જોઇએ અથવા તો સમજી જવું જોઈએ – અને આ તમામ શૈક્ષણિક પ્રક્રિયા પર લાગુ પડે છે. તો જ બાળકને આપણે જે કહેવા માગીએ છીએ તે બાળકો સરળતાથી સમજવા માંડશે/માંગશે.. એટલું જ નહિ આપણે કહેશું તેમ તરત જ કરશે પણ ખરા ! ઘણીવાર આપણી ફરિયાદો હોય છે કે બાળકો સમજતાં નથી પણ ખરું તો એ છે કે સમજવા માગતા નથી, કારણ કે તે તેમના રસક્ષેત્રની બહારની  વાતો છે. માટે જ આપણે આપણા રસક્ષેત્રની બહારની બાબતો જોડે જેવું વર્તન કરીએ છીએ, તેવું જ વર્તન બાળકોનું હોય તે સ્વાભાવિક છે !

તો તેનો ઉપાય શું ? બસ એક જ કે  “બાળકમય બની જઈએ અથવા તો બાળક જ બની  જઈએ”  નીચેની  લીંક ઉપર ક્લિક કરી તમે અમારા  વર્ગખંડ આ વિડીયો તમે પણ બે મિનિટ  માટે વિચારતા થઇ જશો કે આ વર્ગખંડમાં  બાળક કોણ છે  અને શિક્ષક કોણ છે ? -  કારણકે બાળકોની સાથે સાથે અમારા ચંદુભાઈ પણ પ્રવૃત્તિની  એટલી જ મજા માણી રહ્યા છે અને તેમને જોઈ તેઓની સાથે સાથે બાળકો પણ આનંદિત થઇ રહ્યાં છે !

બાળક બનવાની મજા !