July 23, 2017

બે મુલાકાત - ધરમપુર અને અમેરિકા !



બે મુલાકાત - ધરમપુર અને અમેરિકા ! 
શાળાના બ્લોગ અને સોશિયલ મીડિયાના નિરીક્ષકો શાળાની મુલાકાતે આવે અને અમે આયોજન કરીએ કે જુએ, સૂચનો આપે સાથે આપણા બાળકોને એમના વિષે જણાવે એટલે નાનકડા ગામના બાળકોને ઘેર બેઠા ગંગાની જેમ અવનવા વ્યક્તિઓ સાથે વાતો કરવાનો મોકો મળે !
ü પહેલી મુલાકાત.....
            આ કડીમાં પહેલી મુલાકાત લીધી ધરમપુર, વલસાડના આશ્રમ શાળાના શિક્ષકોએ ! વરસાદી વાતાવરણ અને બાળકોનું મેનેજમેન્ટ બંને જોઈ એમની પ્રતિક્રિયાખરેખર, ઘણીવાર આપણે બાળકોને સક્ષમ ના ગણીને ભૂલ કરીએ છીએ ! જો એમના પર ભરોષો કરીએ તો આપણાથી ના થઇ શકે તેવા કાર્યો પણ સુપેરે પાર પાડી શકે છે !” આપણા સુનીલ અને પીન્ટુ હમણાં કુટુંબ સાથે નવસારી બાજુ કામ અર્થે ગયા હતા તેમણે પોતાના અનુભવો કહ્યા અને તેમની સાથે આસપાસના સ્થળો વિષે જાણ્યું ! ફરી બાજુ આવવાનું અને રહેવાનું થાય તો એમને આમંત્રણ પણ મળ્યું કે વધુ રોકાવાનું હોય તો તમારા માટે ત્યાં સ્કૂલ ગોઠવી દઈશું ! શાળાની વિવિધ પ્રવૃતિઓ જોઈ- બાળકો સાથે રીસેસ દરમ્યાન પણ વાતો કરી. શિક્ષકો સાથે સંવાદ કર્યો અને બાળકોને ભેટ પણ આપી.....
ü બીજી મુલાકાત..... 
             બીજી મુલાકાત ન્યુયોર્કના ગ્રેગ મીમ્મ્સ, વાઈસ પ્રેસિડેન્ટ,  .એચ.એસ. એન્ડ સસ્ટેનેબિલીટી અને તેમની સાથે શાળાને એકવા ટાવર ફીટ કરનાર ઝાયલેમ કંપનીની ટીમે લીધી ! ઔપચારિક આવકાર, વૃક્ષારોપણ અને આપણી મનીષાએ એકવા ટાવર માટે એક થેંક યુ સ્પીચ આપી. ખરી મજા ધોરણ આઠમાં આવી- ત્યાં ગ્રેગ પોતાની દીકરીઓ, તેમના અભ્યાસ અને તેમના ત્યાંની શિક્ષણ વ્યવસ્થા અંગે વાતો કરી. બધા મો ખુલ્લું રાખી સાંભળતા હતા. કેટલાને - કેટલું સમજાયું તો પછી ખબર પડી. પણ આનંદ વાતનો કે હવે આપણા બાળકોને કોઈની નવાઈ નથી વિદેશથી આવેલ મહેમાનના જુદા રંગની કે એમના ના સમજાય તેવા અંગ્રેજીના ઉચ્ચારોની ! ગ્રેગ અને એમની સાથે આવેલ સ્વીઝરલેન્ડના લેડીએ શાળાના વાતાવરણ અને મેનેજમેન્ટની પ્રસંશા કરી ! સામાન્ય સ્થિતિમાં તેમના માટે પગરખા કાઢવા સહજ ના હોય છતાં શાળા ઈમારતના નો શૂઝ, નો ચેર ના નિયમ મુજબ પગરખા ઉતાર્યા સ્વાભાવિકતા પણ પ્રેરણાદાયી છે !
ઝાયલમમાંથી આવેલ સભ્યો પૈકી એક ગુજરાતના હતા એમણે સ્વીકાર્યું કે બાળકોને મળી અને શાળા જોઈ તેમની સરકારી શાળા અંગેનો દ્રષ્ટિકોણ બદલાઈ ગયો એમને સહજ ભાવે સ્વીકાર્યું કે એમને નવાઈ લાગી કે બાળકો ગ્રેગની વાતો ધ્યાનથી સાંભળતા હતા અને વધુ નવાઈ લાગી કે સરકારી પ્રાથમિક શાળાના શિક્ષક આટલી સહજતાથી અંગ્રેજી બોલી શકે છે !
      બંને મુલાકાતોની ફ્લેવર જુદી જુદી હતી- એકમાં પોતાના જેવા ગામડાની સુગંધ હતી તો બીજામાં કૈક સાવ જુદી વ્યવસ્થા જો કે તેમણે કહ્યું એમ આપણે વિષય ખંડો બનાવ્યા છે પણ હજુ લાંબી મજલ કાપવાની બાકી છે !

No comments: