August 12, 2012

લોકબોલી – આપણી ભાષા....


લોકબોલી – આપણી ભાષા....

                         ધોરણ સાતમાં ગુજરાતીના એક સ્વાધ્યાયમાં લોકબોલીના શબ્દોની યાદી બનાવવાની પ્રવૃત્તિ છે. યાદી બનાવવાની પ્રવૃત્તિ-મોટાભાગના વિદ્યાર્થીઓ માટે મજેદાર રહી પણ ગોપાલ ભરવાડ કે જે ડેરેથી સીધો શાળાએ આવતો હોય...તેને આ ગૃહકાર્ય પસંદ જ ના પડે તે સ્વાભાવિક હતું. દફતર તો શાળામાં જ હોય, વાંચવા રોજ એક ચોપડી લઇ જાય..એટલે બીજા બધાએ જયારે પોતાના શબ્દો રજુ કર્યા ત્યારે તેના ચહેરા પર નિરાશા દેખાઈ પણ ખરી !
એક નવું કામ તે જ પ્રવૃતિમાં જોડવામાં આવ્યું, તે શબ્દોનો ઉપયોગ કરીને આપણે બોલીએ એવા વાક્યો બનાવો જેમ કે.......
              –મલાડું – અલી, જો ઘરમાં મલાડું ભરાયું, દુદ પી જહે...
હવે, બધા જયારે વાક્યો બનાવતા હતાં ત્યારે ગોપાલે તેની બોલીના શબ્દોની યાદી બનાવવાની શરૂઆત કરી...
તેના શબ્દોએ મજા બમણી કરી-કારણ કે તેમના રબારી સમાજમાં બોલતા ઘણા શબ્દો બીજા વિદ્યાર્થીઓથી તદ્દન અજાણ્યા હતાં અને ગોપાલ હીરો બની ગયો !
કેટલાક શબ્દો તો મનેય રોમાંચિત કરી ગયા.
જેમ કે – વાઘ – ઘેટું , ટેટા- બકરીઓ , ગાડ-ઘેટાં,  આ સિવાય ડાડા, હાડો,બાડલો, બુગો, બોગયનું...
કેવા નવા શબ્દો છે !

આ શબ્દો જીવે તે જરૂરી છે....એ આપણા લોકજીવનનો પ્રાણ છે ! અને આ પ્રકારની પ્રવૃતિઓ તે શબ્દોની સંજીવની !

2 comments:

ધનાળા પે સેન્ટર શાળા said...

સરસ બ્લોગ બનાવવા બદલ અભિનંદન
નમસ્કાર મિત્ર ,
અમારી શાળા દ્વારા શૈક્ષણિક ટુલબાર બનાવવાનો પ્રયત્ન કરેલો છે. જેમા આપની શાળાનો પણ સમાવેશ કરેલ છે. આપ તેમા સુચન અથવા ફેરફાર કરવા માટે જરૂરી સુચન કરવા માટે આવકારૂ છુ.
http://dhanala.blogspot.com

kenpatel said...

Very Good.

ગુજરાતી ભારતની રાજ્યભાષા કે રાષ્ટ્રલિપિ?

http://saralhindi.wordpress.com/