પ્રજાસત્તાક.....

પ્રતિભા- આનંદ અને સંદેશના ત્રિવેણી સંગમયુક્ત કાર્યક્રમ વડે...

પ્રજાસત્તાકદિનની ઉજવણી...

                   પ્રજાસત્તાકદિનની ઉજવણીનો આ વખતે પણ મુખ્ય ઉદ્દેશ્ય દરેકની વખતની જેમ – બાળકોની પ્રતિભાને વધુ બહિર્મુખ બનાવવી અને તેમને આનંદ પુરો  પાડવો તે જ હતો.

       જેમ જેમ કાર્યક્રમો રજુ થતા ગયા તેમ સમજાયું કે – ૧ થી ૪ ના કાર્યક્રમો મુખત્વે આનંદ અને શિક્ષણ પૂરૂં પાડનારા બન્યા !- તો ધોરણ- ૫ થી ૮ ના બાળ-કાર્યક્રમો એ પોતાના કાર્યક્રમ વડે  ગ્રામજનો સુધી જરૂરી શિક્ષણ-સંદેશ પહોંચાડવાનું કામ કરી આપ્યું.

 વિગતે જો આયોજનનો અભ્યાસ કરીએ તો ધો-૫ નું નાટક બધાને સાથે મળી રહેવાનો સંદેશો આપતું હતું...તો ધો-૬-૭ ધ્વારા ભજવાયેલ નાટક “આજના અતિથિ” ના મુખ્ય નાયક ગાંધીજી અતિથિ બની અમારા ઉજવણીના કાર્યક્રમમાં  સ્વયં પધારી ભારત દર્શની ઈચ્છા જતાવતાં જોવા મળ્યા,બાળકોએ આપણી આસપાસ બનતી ઘટનાઓને જયારે નાટક સ્વરૂપે ભજવી  ભારત દર્શન કરાવ્યા ત્યારે પૂછ્યું કે “શું આપણે આઝાદીને લાયક બન્યા છીએ ખરા ? મારા સ્વપ્નના ભારતમાં મેં આવી વૃત્તિ-પ્રવૃત્તિઓની કલ્પના ન હોતી કરી...’

       ધો-૮ ના વિદ્યાર્થીઓને માટે અમે ખરેખરી આઝાદી આપી હતી કે તેઓએ  જે કાર્યક્રમ રજુ કરવો હોય તેની છૂટ.....તો તેમણે તો કમાલ જ કરી નાખી...તેમણે તો  આપણા  અમારા પ્રશ્નોને વાચા આપતું અને અનિયમિત બાળકોને રોજ નિશાળે મોકલવાનું આહવાન કરતુ “સ્વરચિત” નાટક –“રોજ નિશાળે જઈએ” એવી રીતે રજુ કર્યું કે જાણે અમારા અનુભવો પડદા પર પ્રકાશિત થઇ રહ્યા હોય. તેમાંય તેમણે સામુહિક રીતે રચેલું ગીત “પ્યારી પ્યારી નિશાળ છોડી, બાળકો તમે ઘરે ગયા દોડી...” શબ્દોમાં હજુ આપણા જેવાને વજન ઓછું લાગે પણ તેમની લાગણી તેમના જ વાલીઓ સુધી પહોંચાડવામાં તેઓ સફળ રહ્યા. અને બાળકોએ સાબિત કર્યું કે “અમે તમારી સાથે જ નહિ પરંતુ તમારા સાથી પણ છીએ !”

          હા,અમારી થોડી કમનસીબી એ હતી કે જે વાલીઓ માટે આ સંદેશ હતો તેમાંથી કેટલાક ગેરહાજર હતા. છતાં પણ અમને આશા છે કે જેમ દીવા થી દીવો પ્રગટે છે તેમ એક કાન થી બીજે કાને આ સંદેશો જરૂર પહોચશે !

                                  આપ પણ ઉજવણીમાં સામેલ થઇ બાળકોની પ્રતિભાની સરહના કરી શકો છો, આનંદ મેળવી શકો છો અને અમારા સાથી બની શૈક્ષણિક સંદેશાનો ફેલાવો કરી શકો છો......

ભારતમાતા કી જય.....

નાટક-:ચકા-ચકીની ખીચડી.... 

नन्हा मुन्ना राही हूँ .... देश का सिपाही हूँ.....!!!

"કૂંજમાં કોયલ બોલતી એનો શેરીએ આવે શાદ...."

અકબર & બિરબલ – મૂર્ખાઓની શોધમાં... 

ये दुनिया एक दुल्हन...दुल्हन के माथे की बिंदिया..I LOVE MY INDIA 

 

નાટક-: સસ્સાભાઈ સાકરિયા,ડાબા પગે ડામ...

નાટક-: ગૌતમબુદ્ધ  

“સારથી,શું હું પણ વૃદ્ધ થઇ જઈશ...શું મારા શરીરને પણ રોગ થઇ શકે છે..??” –ગૌતમ બુદ્ધ

બાળકો ધ્વારા જ રચિત અને અભિનીત નાટક –“રોજ નિશાળે જઈએ..”

“પ્યારી પ્યારી નિશાળ છોડી,બાળકો તમે ઘરે ગયા દોડી..” - સ્વરચિત ગીતની રજૂઆત કરતી બાળાઓ 

 “આજના અતિથિ”-નાટક ધ્વારા ગાંધીજીને સમાજમાં થતી અસામાજિક પ્રવૃત્તિઓના દર્શન  કરાવવાને બહાને ગ્રામજનોને સંદેશ આપતાં બાળકો

ગ્રામજનોને પૂછતાં અમારા અતિથિ – “શું આપણે આઝાદીને લાયક બન્યા છીએ ખરા...?? 

કહો તો શું ચાલે છે..?- ચર્ચા 

કાર્યક્રમની અસરકારકતા -: જાણે કે...મટકું મારીશું તો પણ હજારો પળ ચૂકી જઈશું...!!!

આવો,મોં મીઠું કરીએ હવે આપણી સત્તા છે...

વ્યક્તિત્વ....

સ્વામીજીનું વ્યક્તિત્વ.....૧૫૦ વર્ષ પછી પણ...!!!

HApPy BiRthDay......SWAMI..

સ્વામીજીના સમ્માનમાં ......

દેશ વિવેકાનંદજીની ૧૫૦મી જન્મજયંતી ઉજવી રહ્યો છે !

એક પ્રાથમિક શાળા આ ઉજવણીમાં હિસ્સેદાર ના બને તો જ નવાઈ- આ પ્રકારની ઉજવણીઓ એ એવા પ્રસંગો છે કે જેનાથી તમને એક કારણ મળે છે; વિદ્યાર્થીઓની સમજ કેળવવાનું,તેમની અંદર રહેલી શક્તિઓને જાગૃત કરવાનું !

     આ વર્ષે વિદ્યાર્થીઓએ બધી ઉમરના બાળકોને ધ્યાનમાં રાખી વિવેકાનંદ જયંતી ઉજવવાનું નક્કી કર્યું –

- ચર્ચા પછી નક્કી થયું કે સર્વધર્મ પ્રાર્થના-પછી હવે શાળામાં હીટ થઇ ચૂકેલું “મનુષ્ય ગૌરવ ગીત”ના ગાનથી શરૂઆત થશે.

 સર્વધર્મ પ્રાર્થના ....

 मनुष्य तू बड़ा महान हें....-मनुष्य गौरव गीत...!!!

ત્રણ વ્યક્તિઓ વિવેકાનંદ વિષે ચર્ચા કરાવશે – જેના વિષયો આ મુજબ હતા....   

 વિવેકાનંદ અને ભારત….

           જે અંતર્ગત સ્વામીજીના નાત-જાત-ધર્મ-વિશેના ખ્યાલોની ચર્ચા થઇ. રજુ કરનાર પ્રકાશ(ધોરણ-૮)ની તૈયારી ખુબ સરસ હતી અને તેને વાંચેલા પુસ્તકોમાંથી લીધેલા અવતરણો પણ....તેમાંય તેને છેલ્લે કરેલો હુંકાર “હવે ફક્ત બંસીધરની ભક્તિ કરવાથી કઈ નહિ વળે-તમારે હવે ગીતા સમજાવનાર કૃષ્ણ પેઠે કર્મ કરવું પડશે...” અસરકારક રહ્યો.

વિવેકાનંદ અને વાંચનકળા.......

આ વિષય રજુ કરનાર દિનેશ પોતે ખુબ સરસ વાચક છે; તેને સ્વામીજી વિષે વાંચ્યું તે ઉપરાંત તાજેતરમાં “સત્યના પ્રયોગો પણ વાંચેલી...તો તેની છાંટ પણ તેના વક્તવ્યમાં ઝળકી.. તેને તેના વક્તવ્યના અંતે સૌને સારા વાંચન માટે બધાને પ્રેરિત કર્યા.

બાળકોના વિવેકાનંદ........

આ બધામાં અમારા નાના બાળકો માટે શિક્ષકે વિવેકાનંદના બચપણના –કે જયારે તેઓ “બીરેશ્વર” અથવા “વિરેશ્વર” તરીકે ઓળખાતા તે સમયના તેમના તોફાનોની વાતો કહી..તેમાય કોઈકની વાત સાંભળી ડરી જવા કરતા તે ડરનો એક વાર સામનો કરી લેવાની વાત માટે તેમને – ઝાડ અને ભૂત ની વાત કહી તે બાળકો માટે પ્રેરણાદાયી રહી.

ટૂંકમાં અમારો પ્રયાસ હતો તેમની સામે તેમની ઉમરના વિવેકાનંદને મુકવાનો ! કેટલો સફળ રહ્યો એ તો ભવિષ્ય જ કહેશે !

.......અગાઉની ઉજવણીઓ જોવા અહી ક્લિક કરો :..........

૧. વિવેકાનંદ જયંતિ અને જાન્યુઆરી (વર્ષ-૨૦૧૦)

૨.  ઉઠો જાગો અને ...(વર્ષ-૨૦૧૧ )

૩. હું પણ વિવેકાનંદ છું..(વર્ષ-૨૦૧૨)

રમતી શાળા....

તાલુકા કક્ષાનો રમતોત્સવ-૨૦૧૨-૧૩ 

.. 

લાંબીકૂદમાં  તાલુકામાં પ્રથમ ઈનામ મેળવતી અમારી દિકરી કોમલ.....

યોગાસનમાં ગોધરા તાલુકામાં દ્વિતીય સ્થાન પ્રાપ્ત કરતો અમારો દિકરો રઘુવીર 

તાલુકા કક્ષાએ ખો-ખો રમતી નવાનદીસરની દિકરીઓ....

 તાલુકા કક્ષાએ ગોળાફેંકમાં ગોળો ફેકતી દિકરી ભાવના..

 કબડ્ડીના જંગમાં અમારા વાઘ- તાલુકા કક્ષાએ...

વ્યવસ્થાના ભાગરૂપે જમણવારનો લાભ લેતાં બાળકો...